Nukta

کابرایه‌ک ئه‌چێت بۆ حه‌ج و له‌گه‌ڵ خۆشیدا ژنه‌که‌ی و دایکی و خه‌سووشی ئه‌بات. له‌وێ کاتی دوعاکردن گوێی له‌ دایکی ئه‌بێت ئه‌ڵێ:
"خوایه‌ له‌ گوناهم خۆش به! ئه‌م کوڕه‌م زۆڵه‌ و له‌ مێرده‌که‌ی خۆم نییه‌."
له ‌سه‌ره‌ی خه‌سووشیدا بۆ دوعاکردن گوێی لێ ئه‌بێت خه‌سووشی به‌ هه‌مان شێوه‌ دوعا ئه‌کات و ئه‌ڵێ:
"خوایه گیان لێم خۆش به‌! ئه‌و کچه‌م که‌ ژنی ئه‌م کوڕه‌یه‌ زۆڵه‌ و له‌ مێرده‌که‌م نییه‌."
که ئه‌مه‌ ئه‌بیستێت بڕیار ئه‌دات گوێ له‌ ژنه‌که‌شی بگرێت تا بزانێت ئه‌و چ گوناهێکی کردووه‌. که‌ خۆی لێ ئه‌گرێت گوێی لێ ئه‌بێت ژنه‌که‌ی ئه‌ڵێ:
"خوایه‌ گیان له‌ گوناهم خۆش به‌! له‌وه‌ی که‌ دۆستم هه‌یه‌ و خیانه‌تم له‌ مێرده‌که‌م کردووه ئه‌وه‌ هه‌ڵه‌یه‌ک بوو په‌یمان بێت دووباره‌ی ناکه‌مه‌وه‌."
کابرا که‌ نۆ‌ره‌ی خۆی دێت بۆ دوعاکردن ده‌ست به‌رز ئه‌کاته‌وه‌ و ئه‌ڵێ:
"خوایه‌ گیان له‌ گوناهم خۆش به‌ سێ قه‌حبه‌م هێناوه‌ته‌ حزووری جه‌نابت، نه‌مزانی وان ئه‌گینا نه‌م ئه‌هێنان

4gewht2

کوڕێکی گێلی ئیزعاج ده‌وروخولی کچێکی داوه‌ و هه‌موو ڕۆژێک پێی ئه‌ڵێ:
"خه‌ڵک ئه‌نێرمه‌ داوات."
کچه‌که‌ش بۆ ئه‌وه‌ی ڕزگاری بێت له‌ ده‌ستی ڕۆژێک پێی ئه‌ڵێ:
"من خۆم لاریم نییه‌ له‌وه‌ی که‌ بنێریته‌ داوام، به‌ڵام به‌ خوا من ئه‌زانم که‌ ماڵه‌وه‌مان ڕازی نابن و به‌ خزمی خۆم نه‌بێت به‌ که‌سم ناده‌ن."
کوڕه‌که‌ ئه‌ڵێ:
"باشه‌ تۆ چوزانیت؟"
کچه‌که‌ش ئه‌ڵێ:
"به‌وه‌دا ئه‌زانم که‌ نه‌نکمیان داوه‌ به‌ باپیرم، دایکم به‌ باوکم، ئامۆژنم به‌ مام و خاڵۆژنیشم به‌ خاڵم!
4gewht2

کابرایه‌ک له‌ هه‌نده‌ران به‌دوای ئیشدا ئه‌گه‌ڕێ. له‌م گه‌ڕانه‌دا، ڕێی ئه‌که‌وێته‌ هۆڵێکی یاری سێرک. به‌ لێپرسراوی هۆڵه‌که‌ ئه‌ڵێ:
"هاتووم به‌ شوێن ئیشدا ئه‌گه‌ڕێم و ئاماده‌شم هه‌موو ئیشێک بکه‌م، قاپشتن بێت،گسکدان بێت یان هه‌ر ئیشێکی تر."
لێپرسراوه‌که‌ ئه‌ڵێ:
"ئێمه‌ ئیشمان زۆره‌ و له‌و ئیشانه‌ش ئاسانتر که‌ تۆ داوای ئه‌که‌یت."
ئه‌یبه‌نه‌ ژووره‌وه ‌و ئه‌یده‌نه‌ ده‌ست ڕاهێنه‌رێکی سێرک. پێستێکی مه‌یموونی له‌به‌ر ئه‌که‌ن و ئه‌ڵێن فێری جموجۆڵی مه‌یموونت ئه‌که‌ین.
به‌ ئاسانی هه‌مووی فێر ئه‌بێت. پاشان ئه‌یبه‌نه‌ ژوورێکی تر و بازنه‌یه‌کی گه‌وره‌ی‌ بۆ ڕائه‌گرن و فێری ئه‌که‌ن چۆن به‌ ناو بازنه‌که‌‌دا باز بدات.
دوای ئه‌مه‌ش له‌ دووری دوو مه‌تر له‌ بازنه‌که‌وه‌ خه‌تێک ئه‌کێشن ‌و پێی ئه‌ڵێن:
"ڕۆژی نمایشکردنه‌که‌، شێرێک له‌و دیوی خه‌ته‌که‌ دائه‌نێین و لێی ده‌ربچی ئه‌تخوات."
ماوه‌یه‌کی باش ڕاهێنان له‌سه‌ر بازدان ئه‌کات به‌بێ شێر تا وای لێ دێت به‌ ئاسانی له‌م دیو خه‌ته‌که‌ خۆی ئه‌گرێته‌وه‌. ڕۆژێک شێره‌که‌ی بۆ دێنن و پێی ئه‌ڵێن:
"ئه‌مه‌ پرۆڤه‌ی کۆتاییه‌ و وه‌ک نمایشه‌که‌ وایه‌ ئه‌بێت ئاگات له‌ خۆت بێت تا شێره‌که‌ نه‌تخوات." کابراش به‌ بینینی شێره‌که‌ زاره‌تره‌ک ئه‌بێت و زۆر ئه‌شڵه‌ژێت.
بازنه‌که‌ی بۆ ڕائه‌گرن و ئه‌ڵێن: "ئاده‌ی باز بده!"
کابرا زۆر به‌ ترسه‌وه‌ باز ئه‌دات ‌و له‌ خه‌ت ده‌رئه‌چێ و هاوار ئه‌کا:
"حاجی کاک ئه‌‌حمه‌دی شێخ!"
شێره‌که‌ ئه‌نه‌ڕێنێ و ئه‌ڵێ:
"هه‌تیو تۆش کوردی؟"
4gewht2